Rım papasy Fransısk Lıonel Messıge qatysty fýtbol  súıer qaýym aıtyp júrgen frazany kóp  qoldana bermeýge shaqyrdy. Atap aıtar bolsaq, Argentına men «Barselona» klýbynyń shabýylshysy Lıonel Messıdi óziniń fanattary «fýtbol Qudaıy» dep ataǵany belgili.

Alaıda Rım papasy fýtbol juldyzyn bulaı dep ataýǵa úzildi-kesildi qarsylyǵyn bildirdi. Sonymen qatar Messıdi bolashaqta «Qudaı» dep atamaýǵa shaqyrdy.

Rım papasynyń aıtýyna qaraǵanda, «Lıonel Messı shyndyǵynda qazirgi fýtbol ónerindegi jaryq juldyz, ol fýtbol tarıhyndaǵy  shyn máninde tarıhı tulǵa». Osy ýaqytqa deıin  álemdegi eń úzdik fýtbolshyǵa beriletin «Altyn dop» júldesin bes ret jeńip alǵan fýtbolshynyń qazir de ataq -dańqy jer jaryp tur..

–Teorıalyq turǵydan alǵanda, «Barselonanyń» fýtbolshysy Messıdi Qudaı dep ataý kúpirlik. Sondyqtan uly fýtbolshyny olaı dep ataýǵa bolmaıdy. Adamdar onyń oıyn sheberligine qyzyǵyp jáne Messıdiń myqtylyǵyn moıyndap, «Fýtbol Qudaıy» dep ataýy múmkin. Biraq bul durys emes. Adam jalǵyz Qudaıǵa ǵana tabynýy kerek.  «Fýtbol Qudaıy» – qurmet  bildirý turǵysynan aıtylatyn fraza. Árıne, Messıdiń oıyn alańyndaǵy sheberliginde min joq, biraq ol Qudaı emes,–dedi Rım papasy Fransısk.